Баткенде бажычылар 1 тоннадан ашуун аткезчилик жүктү кармады. Бул тууралуу Мамлекеттик бажы кызматы билдирди.
Кадамжай районунун Раззаков-Баткен-Ош унаа жолунда кыргыз жаранынын башкаруусунда Hyundai Porter үлгүсүндөгү унаадан насыбай жасоо үчүн махорка жана тамекинин сабактары табылган. Жүктө бажылык тариздөөдөн өткөндүгүн тастыктаган документтери болгон эмес.
Кармалган жүктүн орточо базар баасы 221 миң 400 сомду түзөт.
Бул факт Бажы кызматы тарабынан каралууда.
