3-июль күнү саат 10:18де Кызыл-Кыя шаарындагы Ак-Булак айылында турак үйдүн короосуна жыйналган тоют чөп өрттөнүп жаткандыгы маалымдалган.
10:36да өрт чектөөгө алынып, саат 11:08де толугу менен өчүрүлгөн.
Тилсиз жоонун жалпы аянты 900 чарчы метрге чейин жеткен.
Ушул эле күнү саат 11:36да Кадамжай районунун Майдан айыл өкмөтүнүн Каражыгач айылында, мал сарайдын 2-кабатында да өрт чыккан.
Саат 12:43тө өрт толугу менен өчүрүлгөн.
Өрттүн кесепетинен 65 даана шифер, жыгач курулуш материалдары жана 2 тонна тоют чөп чыгым болгон.
Учурда өрттүн чыгуу себеби такталууда. Өрттөн жабыркаган жарандар жок деп айтылат өзгочө кырдаалдар министрлигинин маалыматында.
