Сүлүктү шаарынына караштуу Кольцо аймагында калктын аярлуу катмарындагы адамдарга гуманитардык жардам кѳрсѳтүү максатында азык-түлүк текчеси ачылды.Бул туралуу маалымат шаардын фейсбуктагы баракчасына жарыяланды.
Азык-түлүк текчесинин ачылыш аземине шаар мэри Максат Кадыркулов баштаган жетекчилер, шаар тургундары катышышкан.
Азык түлүк текчени ачууга «Сүлүктү автомектебинин» жетекчиси Малика Кыдырова демөөрчүлүк кылган.
Ал эми текчени азык-түлүк менен толтуруу шаардык кенештин жана мэриянын аппарат кызматкерлери тарабынан камсыздалды.
Эскерте кетсек, буга чейин мындай социалдык текчелер шаарыбыздын 3 жеринде ачылган.
Кайдыгер эмес тургундарды мүмкүнчүлүккө жараша ушул текчени улам толуктап турууга чакырабыз деп айтылат маалыматта.
