Баткен районунун Кара-Бак айылын Баткен шаfры менен байланыштырган жолдун куруу иштери башталды. Аталган жолдон Баткен районунун акими Учкунбек Жоробаев кабар алды.
Курулуп жаткан Баткен-Кара-Бак автожолунун 6 чакырымына чейинки аралыгын асфальттоо, бетон катмарын төшөө боюнча жумуштары кызуу жүрүүдө.
№2- жол тейлөө мекемесинин жетекчиси Авазбек Мамаюнус уулунун берген маалыматы боюнча, аталган автожолду куруу иштерине мамлекеттик бюджеттен 30 млн сом акча каражаты каралган.
Мындан сырткары Баткен-Кара-Токой автожолунда оңдоп түзөө иштери жүргүзүлүп жатат деп айтылат, Баткен райондук мамлекеттик администрациясынын басма сөз кызматынын маалыматында.
