Баткен районунда афган тектүү 3 кг жакын баңгизаттарды тараткан жаран кармалды.
Бул тууралуу Ички иштер министрлигинин басма сөз кызматы билдирет.
Маалыматка ылайык, жүргүзүлгөн атайын тергөө амалдарынын натыйжасында, 2022-жылдын 13-февраль күнү, Баткен районунун Ак-Татыр айылында автотрассада жайгашкан дүкөндөрдүн биринде баңгизат сатуу аракети болуп жатканы маалым болгон.
Натыйжада аталган дүкөндүн айланасынан баңгизатын саттууга алып келген жеринен Баткен районунун Ак-Татыр айылынын жашоочусу 1974-жылы туулган жаран кармалып, анын колунан ак түстөгү кытай кабына салынып скотч менен оролгон үч даана оромдун ичинен таза салмагы 2 кг 846 грамм болгон афган өндүрүшүндөгү «гашиш» баңгизаты табылып алынган.
Ошол эле күнү саат 02:00 чамасында жогорудагы кылмыш ишине катышы бар деген дагы бир жаран такталып, ал Баткен районунун Паскы-Арык айылынын жашоочусу 1975-жылы туулган жаран болуп чыгып, камакка алынган.
Жогоруда аталган жарандар Баткен райондук милициянын убактылуу кармоочу жайына камакка алынды.
