Бул тууралуу Муфтият маалымдайт.
Маалыматка караганда, быйыл ажылык сапарга баруу 3750 долларды түздү. Төлөмдөр 27-февралдан 4-мартка чейин жүргүзүлөт.
«Ажыга барууга 2 миң долларды төлөп мүмкүнчүлүк алган ар бир талапкер 27-февралдан 4-мартка РСК Банктын иштөө убактысынын бүтүшүнө чейин калган 1750 долларды төлөшү керек», — деп билдиришти муфтияттан.
Быйыл Кыргызстандан ажылык сапарга бара турган зыяратчыларга 6060 орун бөлүнгөн.
Белгилеп кетсек, алдынкы жылы ажылык сапардын акысы 3900 доллар болгон.
