Лейлек районунун Кулунду айыл аймагына караштуу Булак-Башы айылынын “Курсай” участкасында 8-февраль түнкү саат 5:40 чамасында 53 баш кой, 41 баш козусу менен коңшулаш өлкөдөн Кыргызстанга өткөрүп жаткан жеринен Раззаков шаарынын Чимген айылынын 26 жаштагы тургуну аныкталып, кармалды. Бул тууралуу облустук милициядан билдиришти.
Бул факты боюнча жазык кодексинин Экономикалык контрабанда беренесинин негизинде сотко чейинки өндүрүш иши башталып, кармалган жаран тергөө кызматына өткөрүп берилди.
Учурда тергөө иштери жүрүп жатат.
