Үч-Коргондо жол кырсыгынан 49 жаштагы тургун көз жумду. Бул тууралуу Салам Медиага облустук милициянын жол кыймылынын коопсуздугун камсыздоо бөлүмүнүн басма сөз катчысы Бектемир Мамытов билдирди.
Маалыматка караганда, кырсык 28-январга караган түнү саат 03:00 чамасында Кызыл-Кыя – Кулатов авто жолунун 1- чакырымында орун алган. Анда каза болгон жаранды сүзүп кеткен айдоочу окуя болгон жерден изин жашырып кеткен.
Ошол учурда айдоочуну кармоо үчүн «Тосмо» иш-чарасы киргизилип, Маалыматка караганда
жол-кайгуул кызматкерлери FORD FOCUS үлгүсүндөгү унааны башкарып жүргөн Ош облусунун Ноокат районунун 22 жаштагы тургунун аныктап кармашты.
Азыркы учурда авто унаа убактылуу айып коргоого киргизилип, кармалган айдоочу тергөө кызматына жеткирилди.
