12-ноябрда кечки саат 21:30 чамасында, Кадамжай району аркылуу өткөн Ош-Баткен-Раззаков унаа жолунун 175-чакырымында эки унаа кагылышып бир адам каза болду. Бул тууралуу жол кыймылынын коопсуздугун камсыздоо бөлүмүнөн билдиришти.
Маалыматта, Кадамжайдын Ак-Турпак айылынын тургуну 27 жаштагы тургунунун башкаруусундагы унаа менен Кызыл-Булак айылынын 61 жаштагы тургунунун башкаруусундагы унаа кагылышып кеткен.
Кырсыктан бир адам алган жараатынан улам ооруканага жетпей каза таап, эки адам денесинен жаракат алып Кадамжай аймактык ооруканасына жеткирилген.
