Жалал-Абад шаарындагы эс алуучу клубдардын биринин алдында 35 жаштагы кишиге белгисиз адам 8 жолу бычак сайган. Окуя 7-сентябрга караган түнү болгон. Бул тууралуу ички иштер министрлигинен билдиришти.
Жабыркаган адам Жалал-Абад облустук клиникалык ооруканасынын жандандыруу бөлүмүнө жаткырылган.
Бул окуя боюнча соттук-медициналык экспертиза дайындалып, кылмыш иши козголгон.
Жалал-Абад шаардык милициясынын кылмыш иликтөө бөлүмүнүн кызматкерлери тарабынан жүргүзүлгөн ыкчам-иликтөө иштеринин натыйжасында кылмышка шектүү деп Сузак районунун Таш-Булак айыл аймагынын тургуну 2004-жылы туулган жаран кармалып, убактылуу кармоочу жайга киргизилген.
Учурда тергөө амалдары жүрүүдө.
