Тажикстандын куралдуу кол салуусунан талкаланган Баткен районунун Ак-Сай айылындагы үйлөрдү калыбына келтирүүдө баткендик ишкерлерди ири суммадагы чыгымга учураткан делген «Алмалы-Доор» курулуш компаниясынын башчысы 16 сентябрга чейин камакта калтырылды. Бул тууралуу облустук милициядан билдиришти.
Маалыматка караганда, шектүүнү 16 — сентябрга чейин камакта калтыруу бөгөт чарасынын бир жолу. Мындай чечимди Баткен облустук соту кабыл алган.
Лейлек районунун 56 жаштагы тургуну, Алмалы-Доор компаниясынын башчысы, ишкерлердин жалпы 34 миллион сомдон ашуун акчасын кайтарбай изин жашырып жүргөн. Учурда бул сумманын жабырлануучуларга 21млн 34мин 500сому кайтарылып тергөө иштери уланууда.
