Башкы прокуратура Ош-Баткен-Исфана унаа жолунун асфальт-бетон төшөлмөсүн оңдоо иштерин жүргүзүүгө бөлүнгөн каражаттан 41 млн сомго жакыны жеке кызыкчылыктарга пайдаланылып кеткендигин аныктады.
Башкы прокуратурадан билдиргендей, “Кыргызавтожол” мамлекеттик ишканасында жүргүзүлгөн текшерүүнүн жүрүшүндө Ош-Баткен-Исфана унаа жолунун Кадамжай-Чечме участогуна 20 км узундуктагы асфальт-бетон төшөлмөсүн оңдоо иштерин жүргүзүү боюнча келишимдин негизинде 40 млн. 888 миң сом бюджеттик акча каражаттарын мыйзамсыз өз кызыкчылыктарына колдонуп жиберишкендиги аныкталган.
Бул факты боюнча Кылмыш-жаза кодексинин “Кызмат абалынан кыянаттык менен пайдалануу” жана “Ишенип берилген мүлктү ыйгарып алуу же коротуу” беренелери менен кылмыш иши козголуп, Башкы прокуратуранын тергөө башкармалыгы тарабынан тергелүүдө.
