Баткен районунун Ак-Сай айыл өкмөтүнүн Капчыгай айылында ички жолдорду оңдоо иштери жүрүүдө. Бул тууралуу №2 жол тейлөө ишканасынан кабарлады.
Маалыматта, башкы пландын негизинде Капчыгай айылын ички автомобиль жолдорун, капиталдык ремонттоо жана асфальт төшөө, шагылдоо жумуштары аткарылууда. Айылдын жолдорун биринчи фаза боюнча оңдоп-түзөө, курулуш кемчиликтерин жоюу иштери башталды.
Ошондой эле, Кара-Бак айыл өкмөтүнүн Достук айылында да башкы пландын негизинде ички жолдор кеңейтилип, шагылдоо иштери жүрүүдө.
«Эки айылды, эки айда бүтүрөбүз. Капчыгай айылында 5 км, ал эми Достукта 2,9 км жерге асфальт төшөлөт. «- дейт жол тейлөө мекемесинини жетекчиси.
Курулуш иштери мамлекеттик бюджеттин эсебинен каржыланууда.
Белгилей кетсек, өткөн жылы Ак-Сай айылында 1 км жерге асфальт төшөлгөн.
