Баткен шаарында милиция кызматкерлери “Мал уурулук-Веткөзөмөл” аталышындагы иш-чаранын жүрүшүндө ветеринар жана санэпидемия кызматкерлери менен биргеликте шаардагы мал базарда кылмыштуулуктун жана мал уурулуктун алдын алуу жана болтурбоо максатында жарандарга түшүндүрүү иштерин жүргүздү.
Иш чаранын жүрүшүндө кулагында биркасы жок ийри мүйүздүү малдардын ээлерине эскертүүлөр берилди. Мындан сырткары талаа-ташта мал жандыктарын кароосуз калтырбоо, короолорго кулпу салып, жарыктыктарды орнотуу жана уурулукка жол бербөө боюнча түшүндүрүү иштери жүргүзүлдү.
