Баткен токой чарбасында токойчу үчүн үй курулуп, пайдаланууга берилди. Айыл чарба министрлигинен билдиргенге караганда, аянты 61 чарчы метр болгон үй Сары-Таш токойчулугунун Алмалы участогунда орун алган.
Маалыматка таянсак, токойду коргоонун эффективдүүлүгүн жана токой чарба кызматкерлеринин эмгек, жашоо шарттарын жакшыртуу максатында курулган.
Үйдө ыңгайлуу жашоо үчүн бардык шарттар түзүлгөн: санитардык түйүн, энергияны үнөмдөөчү жылытуу система, ысык жана муздак суу менен камсыздоо.
Белгилей кетсек, Баткен токой чарбасынын аймагына 10 млн сомдон ашык каражатка үч үй курулуп берилген.
