Бул тууралуу мамлекеттик бажы кызматынан билдиришти.
Ага ылайык, Кытайдан «С.З.» ЖЧКсынын дарегине декларацияланган салмагы 26 тоннадан ашык «кургатылган манго» жана 2,5 тонна салмактагы «чагылган грек жаңгагы» менен транспорт каражаты келген. Бажы текшерүүсүндө товардын салмактык көрсөткүчтөрү боюнча жалган декларациялоо аныкталган, товардын иш жүзүндөгү дүң салмагы – «кургатылган манго» 23 760 кг, ал эми «чагылган грек жаңгагы» товардын иш жүзүндөгү дүң салмагы – 5 400 кг түзгөн.
Бажы төлөмдөрүнүн суммасы туумдарды кошпогондо 3 млн 11миң 796 сомду түздү.
Чогултулган материалдар Башкы прокуратурага өткөрүлүп берилди, — деп жазылат маалыматта.
