Өзгөчө кырдаалдар министрлигинин маалыматына караганда, 8-12-июль күндөрү туруксуз аба-ырайы жана нөшөрлүү жаан-чачынга байланыштуу республиканын тоолуу жана тоо этектериндеги аймактарында сел жүрүү жана таш кулоо кооптуулугу бар.
Баткен, Жалал-Абад, Ош, Ысык-Көл, Чүй, Нарын жана Талас облустарынын тоолуу аймактарында сел жүрүшү күтүлүүдө.
Ал эми таш кулоо коркунучу бар делген кооптуу жолдор:
— Ош – Раззаков унаа жолунун: 64-78, 125-138, 149-190-чакырымдары,
— Бишкек – Ош: 285, 342-348, 358-362, 400, 411-426-чакырымдары
— Ош – Сары-Таш – Эркечтам: 64-65, 68-70, 78-80, 100, 106, 121-124, 133-чакырымдары
— Бишкек – Балыкчы: 112-128-чакырымдары
Министрлик жарандарды этият болууга жана коопсуздук чараларын сактоого чакырып, өзгөчө кырдаалга кабылганда 112 кызматына чалууну сунуш кылат.
