21-декабрда Баткен шаарында «Салам» радиосунун 20 жылдык мааракеси белгиленди. Аны менен катар салтка айланган «Salam avards» 2021 жыл мыктыларын аныктоо элдик сынагынын жеңүүчүлөрүн сыйлоо аземи өттү.
Салтанаттуу аземге Баткен облусунун жергиликтүү бийлик өкүлдөрү,»Салам» радиосун негиздеген жана түптөөгө, өнүктүрүүгө салым кошкон инсандар, бардык тармактын жыл мыктылары, «Салам» медианын күйөрмандары катышты.
«Салам» медианын жетекчилиги тарабынан, ардактуу конокторго, жакын өнөктөштөргө «Салам» радиосунун 20 жылдыгына арналган статуетка жана ыраазычылык каттар тапшырылды.
Салтанат жергиликтүү маданият кызматкерлеринин чыгармалары, майрамдык концерт менен коштолду.
