Баткен районунун аймагында кароосуз жүргөн жолбун иттер жана жапайы чөө бөрүлөр атылууда. Бул тууралуу райондук бийликтен кабарлашты.
Бул аракет, жолбун иттер көбөйүп район тургундарынын коопсуздугуна коркунуч жаратпоосу үчүн жана ар кандай паразитардык оорулардын жайылуусуна бөгөт коюу максатын көздөйт.
Баткен райондук ветеринардык жана фитосанитардык коопсуздук боюнча башкармалыгы райондун аймагында жугуштуу ооруларга каршы эмдөөлөрдү жүргүзүп жатат.
Учурда райондун эпизоотиялык абалы туруктуу, инфекциялык оорулардан таза.
