Түркияда Кыргызстандын маданият күндөрү өтөт. Бул тууралуу Маданият маалымат спорт жана жаштар саясаты министрлиги билдирүү таратты.
Маалыматка ылайык, иш-чаралар 26-29-ноябрь күндөрү Анталия жана Анкара шаарларында Кыргызстандын көз карандысыздыгынын 32 жылдыгына, Түркиянын 100 жылдыгына жана жазуучу Чыңгыз Айтматовдун 95 жылдыгына карата өткөрүлөт.
Делегациянын курамында «Камбаркан» фольклордук-этнографиялык ансамбли, «Ак-Марал» мамлекеттик бий ансамбли, Абдылас Малдыбаев атындагы Кыргыз академиялык опера жана балет театрынын жана Токтогул Сатылганов атындагы Улуттук филармониянын солисттери, эстрада ырчылары, кол өнөрчүлөр, кино тартуу тобу, сүрөтчүлөр жана дизайнерлер бар.
