Лейлектин Айбике айылында Танги-Айбике сугат суу долбору ишке ашты. Долбоор Баткен облусун өнүктүрүүгө багытталган 500млн сомдун алкагында жүргөнүн бүгүн, 22-ноябрда облустук бийликтен кабарлашты.
Маалыматка ылайык, сугат суу долбоорунун курулушуна 30,4 млн сом жумшалган. Айылга Алтын-Бешик тоолорунан 5,5 км аралыкта жер асты менен суу алынып келинди.
Облустук бийликтин маалыматында сугат суу долбоору ишке ашышы менен 628гектар бош жаткан талааларга суу жетип, өздөштүрүлөт.
