Кызыл-Кыя шаарында 9-10 ноябрь күндөрү Баткен, Ош, Жалал-Абад облустарынын өспүрүм курамаларынын катышуусунда спорттук мелдеш өттү. Бул тууралуу шаардык бийликтен билдиришти.
Маалыматка караганда, аталган мелдеш шаардын 125 жылдыгынын урматына уюштурулган. Катышуучулар бул мелдеште спорттун баскетбол түрү боюнча күч сынашты.
Мелдештин соңунда жеңүүчүлөр аныкталып, Кызыл-Кыя шаарынын дене тарбия жана спорт бөлүмү ошондой эле шаардык бийлик тарабынан баалуу сыйлыктар тапшырылды.
