Бул тууралуу облустук бийликтин басма сөз катчысы билдирди.
Маалыматка караганда, президенттин Баткен облусундагы өкүлчүлүгү жана «Кыргызкөмүр» Мамлекеттик ишканасынын «Түштүк» филиалынын биргелешкен аракети менен Баткен областында 6 көмүр кампасы ачылды.
Аталган кампаларда БР маркасындагы көмүрдүн тоннасы 5 миң сомдон сатылууда. Бул аракет бир жолу эмес, эл толук көмүр менен камсыздалганга чейин уланат
Арзан көмүр биринчи кезекте 2021-2022-жылдардагы чек ара окуяларынан жабыркагандарга, социалдык жактан муктаж үй-бүлөлөргө берилет.
Лейлек жана Баткен району, Баткен шаарындагы көмүр кампаларында Сүлүктү кенинин көмүрү, ал эми Кадамжай жана Кызыл-Кыя шаарында Бел-Алма кенинин көмүрү сатылат.
Кампалардын дареги;
— Лейлек районунун Кулунду айыл аймагы, ЦРМдин аймагы
— Раззаков шаары, Тазалык ишканасынын аймагы.
— Баткен шаары Самат Сыдыков көчөсү, болжол менен Баткен ТВнын арт жагы
— Кадамжай району, МАИ кызматынын айып короосунун алды
— Ак-Татыр айыл өкмөтү, Рават айылы, Колтук көчөсү, үй номери 25
— Кызыл-Кыя шаары, Жусубалиева 137
