Баткен районунун акими Учкунбек Жоробаев Самаркандек айыл өкмөтүнүн Жайылма жерлигинин тургундары менен жолугушту. Бул тууралуу аталган мекеменин басма сөз кызматы кабарлады.
Ага ылайык, жолугушууга район аймагындагы бир катар жетекчилер катышып, чогулган элдин көйгөйлөрүн угушту. Жоробаев айтылган маселелерди убагында чечүүгө тийешелүү жетекчилерге тапшырмаларды берди.
Ошондой эле жыйында элдер тарабынан турак жай, чек ара, жол, суу, жайыт жана башка ушул сыяктуу маселелер көтөрүлүп, тийиштүү жетекчилер жооп беришти.
