Облустук милициядан билдиришкендей, милиция шаар аймагындагы ар бир мектептерде окуучулар менен жолугушту.
Жолугушуунун жүрүшүндө мектеп окуучуларга кылмыштуулуктун алдын алуу, укук бузууларга жол бербөө, мектеп рэкетчилигинин алдын алуу үчүн түшүндүрмөлөр берилди. Ошондой эле милиция кызматкерлери жол коопсуздугу боюнча жол белгилерин окутуп үйрөтүүнү да колго алды.
Үстүбүздөгү жылдын 8 ай ичинде жаш өспүрүмдөр тарабынан 18 кылмыш иши катталган.
