Бул тууралуу облустук милициядан кабарлашты.
Кызыл-Кыя шаарынын 42 жаштагы тургуну алтын саткан дүкөнүнөн белгисиз адамдар баасы 230миң сом болгон эки даана алтын чынжырды уурдап кеткендигин билдирип, милицияга арыз менен кайрылган.
Кызыл-Кыя шаардык милиция кызматкерлери тарабынан иликтөөнүн жүрүшүндө Ноокат районунун 34 жаштагы тургуну кармалды.
Бул арыз Кылмыш жаза кодексинин “Уурулук” беренесинин негизинде катталып, сотко чейинки өндүрүш иши башталат.
Уурдалган буюм өз ээсине кайтарылып, учурда тергөө иштери уланууда.
