Кечээ 19-март күнү Чүй облусунун бир нече аймагында очогунда 3,5 баллга жеткен жер титирөө катталды. Бул тууралуу сейсмология институтунан билдиришти.
Маалыматка караганда, жер титирөө саат 21:05те Аламүдүн районунун Кашка-Суу, Таш-Дөбө айылдарында 3 балл, Бишкек шаарында, Сокулук районунун Күн-Туу айылында, Аламүдүн районунун Арчалы, Арашан, Кой-Таш, Байтик, Таш-Булак, Алмалуу айылдарында 2,5 баллга чейин сезилген.
Өзгөчө кырдаалдар министрлиги тарабынан тактоо иштери жүргүзүлүүдө. Алдын ала маалымат боюнча жабыркагандар жана кыйроолор катталган жок.
