Бул тууралуу облустук бийликтен кабарлашты.
Буга чейин маалым болгондой, үстүбүздөгү жылдын 9-10 февраль күндөрү, Министрлер Кабинетинин Төрагасы Акылбек Жапаров жана Түркиянын вице-президенти Жевдет Йылмаздын жетекчилиги астында, Анкара шаарында кыргыз-түрк өкмөттөр аралык 11-жыйынынын алкагында, кыргыз-түрк бизнес форуму болуп өткөн.
Анын алкагында Баткен облусунан барган делегация Түркия мамлекетинин бир катар ишканалары менен кызматташуу боюнча макулдашууларга жетишти.
Түркиянын Остим компаниясына, Баткен облусунун Баткен шаарынын Чет-Булак кварталындагы өнөр-жай зонасында биргелешкен ишканаларды ачуу сунушталып, кызматташуу боюнча протоколго кол коюлду.
Белгилей кетсек, буга чейинки жетишилген макулдашууларга ылайык, кыргыз-түрк K-NEFT компаниясы, Баткен облусунун Кадамжай районунун аймагындагы нефтини өндүрүү боюнча мамлекеттик “Кыргызтранснефтегаз” ишканасы менен да келишим түзүүгө жетишти.
