Баткен районунун чек арага чектеш аймактарындагы 30 аял, атайын окутуулардан өтүп, өз ишкердигин баштады. Бул тууралуу облустук бийликтен билдиришти.
Маалыматка карганда, 14 — аял тигүүчүлүк боюнча, 2 аял — малина өстүрүү, 2 аял- азык-түлүк дүкөнүн ачуу, 8 аял — кондитердик азыктарды даярдоо, 3 аял — сүт азыктарын сатуу жана 1 аял — мототакси кызматын уюштуу багытында ишкердик жүргүзүүдө.
Аялдардын ишкердиги үчүн “Баарлашуу, ишеним, укук” Коомдук Бирикмеси тарабынан колдоого алынып, “Аялдар тынчтык үчүн” долбоорунун алкагында жалпы 2 млн 610 миң сомдук грант берилген.
