Милиция облустун бардык район шаарларында зордук-зомбулуктун алдын алуу үчүн жергиликтүү тургундар арасында түшүндүрүү иштерин жүргүзүүдө. Бул тууралуу облустук милициянын басма сөз кызматы кабарлады.
Маалыматка ылайык, мындай иш чаралар, аймактагы урулуктардын алдын алуу, үй-бүлөлүк чыр-чатактарга жол бербөө, ошондой эле зомбулуктарды болтурбоо максатында улантылууда.
Милициянын маалыматында былтыр облус боюнча үй-бүлөлүк чыр-чатактын 327 учуру катталып, коргоо ордери берилген.
Эске салсак, үстүбүздөгү жылдын 2-январында Кадамжайдын Ирелеш айылында 22 жаштагы Айкыз күйөөсү тарабынан муунтулуп өлтүрүлгөн. Кылмышка шектүү кармалып, учурда тергөө иштери жүрүп жатат.
