Өнүктүрүү, саясат институту тарабынан ишке ашырылып жаткан «Ийгиликтүү аймак 2» долбоорунун алкагында 25-ноябрдан 10-декабрга чейин өнөктөш райондордо аялдар арасында волейбол боюнча мелдеш өткөрүлдү.
Бул демилге жыл сайын өтүүчү «Зомбулукка каршы активдүү аракеттердин 16 күнү» глобалдык кампаниясынын негизинде өткөрүлүүдө. Демилгенин максаты – үй-бүлөлүк зомбулук көйгөйүнө коомчулуктун көңүлүн буруу жана зомбулуктун бардык түрлөрүнө кайдыгерсиз маданиятты калыптандырууга көмөктөшүү.
Турнирдин негизги максаты аялдар арасында спортту жайылтууга гана эмес, үй-бүлөлүк зомбулук жөнүндө коомчулуктун маалымдуулугун жогорулатууга, үй-бүлөлүк баалуулуктарды бекемдөөгө, адам укуктарын жана этностук ар түрдүүлүктү сыйлоого багытталган. Зомбулуксуз жүрүм-турум маданиятын калыптандыруу жана басмырлоонун ар кандай формаларынын өнүгүшүнө бөгөт койуу үчүн жергиликтүү коомчулукту мобилизациялоодо жергиликтүү өз алдынча башкаруу органдарынын ролуна өзгөчө көңүл бурулат.
