Баткендин Кадамжай районунун Ак-Турпак айыл аймагындагы 179 180 чакырым жолу оңдолуп жатат. Бул тууралуу Кадамжай райондук номер 46 тейлөө ишканасынан кабарлашты.
Маалыматка ылайык, чөгүп бара жаткан жолдун узундугу бир чакырым. Жолду сактап калуу үчүн жолго суу өтүүчү түтүкчө курулуп жатат.
Эске салсак, аталган аймакта сууну көп талап кылган гүрүч эгилет. Натыйжада суу жерге сиңип, жолдун чөгүүсүнө алып келген.
