Баткенде Тажикстандан 1,2 млн сомдук электр зымдарын мыйзамсыз алып кирүү аракети көрүү фактысы аныкталды. Бул тууралуу УКМКнын Чек ара кызматынан билдиришти.
Маалыматка ылайык, кечээ 20-ноябрда Баткен — Раззаков унаа жолунда чек арачылар тарабынан 31 жаштагы кыргыз жаранынын унаасынан 75 түрмөк электр чубалгалары табылган. Электр зымдары Тажикстанда өндүрүлгөн.
Аныкталган жүктүн баасы болжол менен 1 млн 200 миң сомду түзөт.
Бул факты боюнча тиешелүү документтер толтурулуп, териштирүү иштери үчүн кармалган жаран жана жүк тийиштүү органдарга өткөрүп берилди.
