Ички Иштер Министрлигинин маалыматы боюнча, 2022-жылы 102 кызматына үй-бүлөлүк зомбулук боюнча 4172 билдирүү түшкөн. Анын ичинен үй-бүлөлүк зомбулуктан жабыркаган 3354 аялга коргоо ордерлери берилген.
Адистердин маалыматында мындан башка дагы эркектер тарабынан психологиялык жактан жабыр тарткан аялдардын саны көп.
Тийиштүү мамлекеттик органдардын маалыматына таянсак, өлкөдө соңку кездери аялдарга жана балдарга карата жасалган зордук-зомбулук, үрөй учурган окуялар тыйылбай келет.
Изилдөөлөргө таянсак, дүйнө жүзүндө ар бир 11 мүнөт сайын бирден аял зомбулуктун курмандыгы болот.
