Кыргызстанда Meken брендинин ноутбуктары өндүрүшкө кире баштады. Бул тууралуу «Кыргызиндустрия» ААКсы билдирди.
Маалыматка караганда, «Кыргызэлектроника» ишканасы ноутбуктарды чогултууну баштады. Ишкана буга чейин кытайлык Clovertek Industries компаниясынан компьютерлердин жана электрондук жабдуулардын сыноо үлгүлөрүн алган. Clovertek Industries дүйнөлүк бренддер үчүн тетиктерди чыгаруу менен белгилүү.
Эми кыргызстандыктар үчүн жогорку сапаттагы, арзан баадагы ноутбук, хромбук жана планшеттер жеткиликтүү болот.
