Баткен районунда тергөөчүгө пара сунуштаган жаран кармалды. Облустук милициянын билдирүүсүнө караганда, кармалган тургун, өзүнүн пайдасына мыйзамсыз чечим чыгаруу үчүн райондук милициянын тергөөчүсүнө 4 миң доллар сунуштаган.
Ички иликтөө кызматынын кызматкерлери жана УКМКнын өкүлдөрү биргеликте жүргүзгөн ыкчам иш-чаралардын натыйжасында, пара сунуштаган тургун, параны тергөөчүнүн колуна берген жеринен кармалды.
Шектүү Кылмыш-жаза процессуалдык кодексинин 96-беренесинин негизинде 48 саатка убактылуу кармоочу жайына киргизилип, тергөө иштери улантылууда.
