Тажикстандын Бустон шаарында Кыргызстан менен Тажикстандын өкмөттүк делегацияларынын теңтөрагалары Камчыбек Ташиев жана Саймумин Ятимовдун катышуусунда кыргыз-тажик мамлекеттик чек арасын делимитациялоо жана демаркациялоо боюнча жыйыны өттү. Бул тууралуу Министрлер кабинетинин маалымат кызматы кабарлады.
Ага ылайык, жыйында эки өлкөнүн өкмөттүк делегацияларынын жетекчилери кыргыз-тажик чек арасын делимитациялоо маселелерин талкуулап, калган участкаларда мамлекеттик чек ара сызыгынын өтүшүн аныктоо боюнча өкмөттүк делегацияларынын жумушчу топторуна тапшырмаларды беришти.
Жыйын достук жана өз ара түшүнүшүнүү маанайында өттү.
