Ош – Баткен – Раззаков унаа жолу кеңейтилүүдө. Бул тууралуу “Кыргызавтожол” мамлекеттик ишканасы билдирди.
Маалыматка караганда, оңдоо иштери Ноокат районунда аталган унаа жолдун 40,3 — 46,9-чакырымдарында жүрүүдө. Ал эми учурда жолдун аталган бөлүгү бак-дарактардан тазаланып, кеңейтилүүдө. Аны менен катар асфальттын эски катмары сыйрылып, шагыл төгүп тегизделип, жаңы асфальт төшөө үчүн даярдалып жатат.
