Кечээ, 19-май күнү саат 19:30дар чамасында катуу жааган жаандан улам жүргөн сел, таш менен курулган дамбанын 80 метр аралыгын бузуп кеткенин, натыйжада Лейлек районунун Катраң-Коргон-Раззаков унаа жолу убактылуу жабылганы маалымдалган.
Ошондой эле Баул айылында сайдан келген сел, болжол менен 200 баш майда малды агызып кеткендиги айтылды.
Калыбына келтирүү иштеринин натыйжасында , жол каттамы бүгүн саат 10:15де бир тараптуу ачылды.
Учурда Баул айылындагы электр линияларын калыбына келтирүү жумуштары жүргүзүлүүдө. Бул тууралуу Өзгөчө кырдаалдар министрлигинин басма сөз кызматынан билдиришти.
