2021-жылдын 4-январында түн ичинде Кызыл-Кыя шаарынын 39 жаштагы жашоочусунун (аял киши) үйүнө беттерине кара түстөгү бет кап тагып, колдоруна медициналык ак кол кап кийген 2 белгисиз атуул кирип, ашканадагы бычак менен коркутуп, анын колу-бутун байлап, эркине каршы күч колдонуп, үйүндөгү 100 миң сом акчасын жана баалуу алтын буюмдарын алышып белгисиз тарапка изин жашырып кетишкен. Бул тууралуу Баткен ОИИБнын Басма сөз кызматы маалымдады.
6-январь күнү Кызыл-Кыя ШИИБнин ыкчам кызматкерлери жана милициянын уполномоченныйлары тарабынан ыкчам иликтөө иштери жүргүзүлүп, кылмыштын изи сууй электе Кызыл-Кыя шаарынан Жалал-Абад облусунун Базар-Коргон районунун жашоочусу 31 жаштагы К.Н., Ноокат районунун жашоочусу 32 жаштагы Р.Р. жана Кызыл-Кыя шаарынын жашоочусу 26 жаштагы Н.А. аныкталып кармалышты.
Тергөө иштеринин жүрүшүндө кармалган Жалал-Абад облусунун Базар-Коргон районунун жашоочусу 31 жаштагы К.Н., Ноокат районунун жашоочусу 32 жаштагы Р.Р. мурда оор беренелер менен соттолгондугу аныкталды.
Бул факты Кызыл-Кыя ШИИБнин КЖБРне Кыргыз Республикасынынын Жазык кодексинин 202-беренеси (каракчылык) менен катталып, сотко чейинки өндүрүш иши башталып, азыркы учурда кармалган шектүүлөр убактылуу кармоо жайына киргизилип, тергөө иштери уланууда.
