Кызыл-Кыяда үч эм кыздар төрөлдү. Алардан шаар мэри Асилбек Маткалыков кабар алды. Бул тууралуу шаардык бийликтин маалымат кызматы кабарлады.
Маалыматка караганда, шаардын 36 жаштагы тургуну Гүлжамал Каратаева наристелерди тогуз жылдан бери күтүп келген.
Учурда наристелердин жана эненин абалы жакшы деп бааланып, кечээ 13-сентябрда төрөтканадан чыгарылды. Наристелерге Рабия, Азия, Асия деген ысымдар ыйгарылды. – деп белгиленет маалыматта.
