Кыргызстандын калкы жети миллионго жетти. Бүгүн 19- октябрда өлкөдө жети миллионунчу жаран төрөлдү. Бул тууралуу Улуттук статистика комитетинен маалымдашты.
Статистика комитетинин буга чейин берген маалыматына ылайык, Кыргызстандын калкынын саны 2022-жылдын 1-октябрына карата 6 млн 995 миң адамды түзгөн.
Белгилей кетсек,буга чейин өкмөт тарабынан жети миллионунчу жарандын төрөлүүсүнө байланыштуу атайын комиссия түзүлүп, анын төрөлүү күнү 20-октябрга чейин болушу мүмкүн экени айтылган.
Эске салсак, өлкөнүн алты миллионунчу жараны Айлин Кожошева 2015-жылдын 25-ноябрында Ош шаарында төрөлгөн.
Жети миллионунчу жаран менен алты миллионунчу жарандын ортосундагы айырма 7 жылды түздү.
Жети миллионунчу жаран тууралуу толугураак маалымат кошумча берилет.
