Баткен районунун Суу-Башы айыл өкмөтүнүн Боз-Адыр айылына таза суу чыгаруу долбоору ишке ашып, алгачкы жумуштар башталды. Саамалыктын башталуу иш чарасына
Баткен районунун акиминин 1-орун басары Адыбек Набиев, Суу-Башы айыл өкмөтүнүн башчысы Кубаныч Дыйканов жана айыл тургундары катышты.
Бул таза суу долбоору Боз-Адыр айылынын тургуну Эрнест Ираповдун демилгеси менен Ихсан Хайрия фонду тарабынан каржыланып жатат.
Бүгүн таза суу үчүн түтүкчөлөр келип түштү,казуу,суу түтүктөрүн орнотуу иши башталды- деп айтылат маалыматта.
Айыл өкмөтүнүн башчысы Кубаныч Дыйкановдун айтымында таза суу ар бир үйгө киргизилет.
Бул тууралуу Баткен райондук мамлекеттик администрациясынын басма сөз кызматы билдирди.
