Баткен мамлекеттик университетинде башкаруу кызматкерлери үчүн салынган жаңы имараттын ачылуу аземи болду.11 кааналуу имарат 1-сентябрь, билим күнүндө пайдаланууга берилди.
Бул тууралуу маалымат, окуу жайдын фейсбуктагы баракчасына жарыяланды.
Аземге БатМУнун ректору Айдар Гыязов баш болгон профессордук-окутуучулар курамы катышып, кыргыздын салтына ылайык, аксакал окутуучулар жакшы каалоо-тилектерди айтуу менен бата беришти.
Мындан сырткары маалыматта 2022-жылдын 5-сентябрь күнү Ыйман гимназиясынын жаңы имаратынын ачылаары белгиленген.
