Баткен облустук ички иштер башкармалыгынан билдиришкенге караганда, облустук милициянын ардагерлер кеңешинин төрагасы Дүйшө Ниязкулов, медицина кызматынын дарыгерлери жана кадр кызматкерлери биргеликте облус аймагындагы ардагерлердин ар биринин жашаган үйлөрүнө барып, ал-абалын сурап, медициналык кароо жүргүзүп, керектүү дары-дармектер менен камсыз кылышты.
Маалыматка караганда мындай демилге үч жылдан бери уланып келет. Мындай көмөк ардагерлерге жылына эки жолудан берилет.
Баткен облусунун аймагында милицияда иштеп, пенсияга чыккан 370 ардагер бар.
