Кыргызстандын жана Тажикстандын Өкмөттүк делегацияларынын кыргыз-тажик мамлекеттик чек арасын делимитациялоо жана демаркациялоо боюнча топографиялык жумушчу топторунун кезектеги жолугушуусу өттү.
Министрлер кабинетинин басма сөз кызматынан кабарлашкандай, тараптардын жолугушуусу 11-ноябрдан 17-ноябрга чейин Баткен шаарында өткөн.
Жумушчу топтор, калган участоктордогу кыргыз-тажик мамлекеттик чек арасынын долбоордук сызыгын сыпаттоо маселесин талкуулашты жана бул ишти Тажикстандын аймагында өтө турган кийинки отурумда улантууну чечишти. Жолугушуунун жыйынтыгында тиешелүү протоколго кол коюлду.
