Баткен районунун акими Учкунбек Жоробаев баштаган бир катар жетекчилер Суу Башы айыл өкмөтүнүн чек аралаш аймагында Өзбекстандын Сох районунун акими Саидбахром Саидмусаев жетектеген делегациясы менен жолугушту.
Жолугушууда чек аралаш аймактарда тынчтыкты, достукту чыңдоо, туруктуулукту эки тараптуу камсыз кылуу, чарбалык маселелер жана достукту мындан ары да бекемдөө жөнүндө сүйлөшүүлөр болду.
Ошондой элежакынкы күндөрү эки тараптуу соода жарманкесин өткөрүү жагы да макулдашылды.
Эки тараптуу жолугушуу конструктивдүү духта бири бирин түшүнүү менен жыйынтыкталды, –деп жазылат маалыматта.
