Баткенде мамлекеттик кызматкерлер Түп районунун дарегине бир күндүк маянасын которот. Бул тууралуу облусттук бийликтин басма сөз кызматы билдирди.
Маалыматка ылайык, облустун Баткен, Кадамжай, Лейлек райондук мамлекеттик администрацияларынын жана Баткен, Кызыл-Кыя, Сүлүктү шаардык мэрияларынын кызматкерлери Ысык-Көл облусунун Түп районунда болгон селден жабыркаган элге бир күндүк маянасын которуу боюнча чечимди профсоюздук отурумдардын жыйынтыгы менен кабыл алды.
Эске салсак, үстүбүздөгү жылдын 7-августунда Түп районунун бир катар айылдарында сел жүрүп, жашоочулар ири көлөмдө материалдык чыгымдарга учураган.
