Бул тууралуу Бишкектин Октябрь райондук милициясынын басма сөз кызматы билдирди.
Маалыматта, 2022-жылдын 6-июнунда «Ала-Тоо» аквапаркындагы, №95 мектептин башталгыч класстарынын окуучулары ата-энелери менен чогуу бассейнге барышып, эс алуу учурунда 3-класстын окуучусу сууга чөгүп, каза болгон.
Аталган факты боюнча, этиятсыздыктан өлүмгө алып келүү жана керектөөчүлөр үчүн коркунуч жаратуу беренелеринин негизинде кылмыш иши козголуп, соттук-экспертиза дайындалды.
Учурда иликтөө иштери уланууда деп айтылат маалыматта.
