Бул тууралуу облустук милициянын басма сөз кызматы кабарлады
Баткен ОИИБдин Экстремизмге жана мыйзамсыз миграцияга каршы аракеттенүү боюнча кызматы, ыкчам иликтөө иштеринин натыйжасында, чет өлкөнүн жарандарын 52 жаштагы С.О., 27 жаштагы тургуну И.Б. жана 23 жаштагы тургуну Х.С. аныктап кармашты. Анткени бул жарандар Кыргыз Республикасынын кайтарууда турган мамлекеттик чек арасын мыйзамсыз бузуп өтүп, Баткен облусунун аймагында жүргөн жеринен кармалышкан.
Азыркы күндө, Кыргыз Республикасынын Кылмыш-жаза кодексинин 378-беренесинин (Мамлекеттик чек арадан мыйзамсыз өтүү) негизинде кылмыш иши козголуп, бүгүнкү күндө убактылуу кармоо жайына киргизилип, тергөө амалдары жүргүзүлүүдө.
